Սերգէյ Փարաջանովի թանգարանին մէջ տեղի ունեցաւ Հայաստանի շարժապատկերի ազգային ակադեմիոյ հերթական նիստը, զոր Նիստը վարեց ակադեմիոյ գլխաւոր քարտուղար, շարժապատկերի քննադատ Ռաֆֆի Մովսիսեան: Հայկական շարժապատկերի ազգային ակադեմիոյ մամլոյ ծառայութիւնը հաղորդեց, որ օրակարգին վրայ եղած են երկու հարցեր՝ Հայկական շարժապատկերի ազգային ակադեմիոյ նախագահի ընտրութիւնը եւ «Օսքար»ներու մրցանակաբշխութեան «Լաւագոյն օտարալեզու ֆիլմ» անուանակարգին համար հայկական ֆիլմի ընտրութիւնը:
Նշենք, որ Հայկական շարժապատկերի ազգային ակադեմիան 2016-ի Փետրուարէն ի վեր կը նախագահէր Հայաստանի Հանրապետութեան ժողովրդական արտիստ, բեմադրիչ Յարութիւն Խաչատրեան, որ համաձայն իր դիմումին՝ Սեպտեմբերին հրաժարեցաւ նախագահութենէն՝ 7 Հոկտեմբերին նախատեսուած Կինեմատոգրաֆիստներու միութեան նախագահի ընտրութիւններուն պատրաստուելու համար:
Հայկական շարժապատկերի ազգային ակադեմիոյ նախագահ ընտրուեցաւ Հայաստանի Հանրապետութեան արուեստի վաստակաւոր գործիչ, շարժապատկերի բեմադրիչ Վիգէն Չալտրանեան եւ գլխաւոր քարտուղար վերընտրուեցաւ շարժպատկերի քննադատ Ռաֆֆի Մովսիսեան: